Kinamiut akikitsut akuerisaanngujoorput
Inatsiseqarnermut ministerip, Morten Bødskovip maannakkut pimorutiivillugu eqqarsaatigaa, Maniitsup eqqaani alumiiniumik aatsitsiviliornissamut aamma erngup nukinganik nukissiorfiliornissamut kinamiut 3.000-it angullugit amerlatigisut sulilernissaannut akuersiniarluni.
Alumiiniumik aatsitsiviliorneq aamma erngup nukinganik nukissiorfiliorneq 22 milliarder koruuunit missaannik akeqassapput.
Inatsiseqarnermut ministerip isumaliutigisaa, Dansk Folkepartiip inatsisit pillugit oqaaseqartittagaata, Martin Henriksenip kineserit taama amerlatigisut Kalaallit Nunaannut isernissaat aalassassutigivaa.
- Kalaallit Nunaanni allannguisoqassaaq kulturiallu malunaatilimmik allanngorluni, isumaqarpunga taamatut isumaliuteqartoqarnera eqqarsaatigilluagaanngitsoq, Martin Henrik oqarpoq.
Inatsiseqarnermut ministerip Morten Bødskovip nalunaarutigeqqammerpaa, Kalaallit Nunaanni oqartussaasunit noqqaaffigineqarsimalluni, Kalallit Nunaat nunanit allaneersunik sulisartunik tikitsisinaanersoq pillugu pisortat akornanni oqaloqatigiinneq allartinneqarsimasoq. Sulisartunik nunanit allaneersunik tikisitsisoqarpat, Kalaallit Nunaata siunissaa pillugu Dansk Folkepartii kisimi ernumanngilaq.
Anne Merrild Hansen, Aalborgip Universitetani ilisimatooq aamma ernumasunut ilaavoq. Taanna isumaqarpoq, Kinamiut 3.000-it angullugit Maniitsumut tikisinneqarpata, atortittartuuneq, pinnguaatit atorlugit aningaasanoortarfiit pinerlunnerillu annertusissasut.
- Sulisartut usuup puuinik atuinissaannik ilinniartinneqarnissaat eqqarsaatigineqartariaqarpoq. Kinami inuiaat amerlasuut allamut nuunneqaraangata angutitaasa usuup puuinik atuinissaannik ilinniartinneqartarput, kinguaassiuutitigut nappaatit meerartaarnissaallu pinaveersaartinneqaqulluugit, Anne Merrild oqarpoq.
Ajornartorsiutit tamakkua Kalaallit Nunaata pimoorullugit akiorniassagai suliffeqarfinnullu piumasaqarnissaaq pingaaruteqartoq, Anne Merril aviisimi Weekendaviisimi taamatut issuarneqarpoq.
