Kim Leinep atuakkiaa siulleq filmiliarineqartussanngortoq

Aviisi B.T taama allappoq.

Atuagaq " Kalak " 2007-mi saqqummersinneqartoq, atuakkiortup Kalaallit Nunaanni nammineq imaannaangitsumik inuuneqarneranut ikiaroornartumillu atornerluisuuneraranut ilaatigut tunngasuuvoq, peqqissaasutut sulinini ilaqutariinnilu meerartalinni perorsaasutut inissisimasuunini atuakkiamini aamma sammivaa.

AAMMA ATUARUK Kim Leine nersornaaserneqartoq

Kim Leine Kalaallit Nunaat pillugu arlalinnik atuakkiaqarpoq, ukiunilu kingullerni atuakkat saqqummersitai nersornaaserneqartaput, kingiullermik Kunngissap nuliatalu nersornaasiuttagaanik 500.000 koruuninik aningasartaqartumik nersornaaserneqarluni. 

Atuagaq "Kalak" filmeliarineqalerpat, filmenik saqqummersitsisarfiup Manna Filmip ukioq 2020-mi filmeliarilissavaa. Filmemi kina Kim Leineusaartinneqassanersoq suli ilisimanngilaq.

AAMMA ATUARUK Allaanngilaq namminiilivinnissamut oqallinneq taartuinnanngortartoq