Kim Leine: Kjærgaardip tunngavilersuutai isumaqatiginngilakka
- Kalaallit Nunaat nunasiaataasimanngitsoq? Tassaqa. Aviisimi Jyllands-Postenimi allaaserisamini Kim Leine taama qulequtsiilluni allappoq.
Taassuma isornartorsiorpaa, oqaluttuarisaaneq pillugu Ilisimatusarfimmi lektori, Thorkild Kjærgaard allammat, Kalaallit Nunaat Danmarkimit nunasiaataanerata nalaani tamanna ajortutut isigisariaqanngitsoq aamma allaalluni, kalaallit danskillu imminnut assigiimmit isigisimasut aamma arlaannaalluunniit anneruniarsimanngitsoq.
Nunasiaataaneq qanoq paasisariaqarpa?
Tamanna Kim Leinep upperinngilaa.
- Nunasiaataanerup qanoq paasisariaqarnera, Kjærgaardip allassimanngilaa. Isumaqarpungalu oqaaseq nunasiaataasimaneq pillugu allaaserisamini oqaluttuarisaanermut tunngasut teknikkitaqarpallaartut, tassanilu oqaluttuariniarsaralugu tassa nunasiaataasoqarsimananilu nunasiaasoqarsimanngitsoq.
Tamannalu Kim Leine-p allakkamini assersuutissaqartippaa ilaatigut qanga danskit naalagarsuarnik taaneqartartut ullorsiutaanni allaaserineqarsimasut, soorlu kalaallit danskinut qummut isiginnittuusutut aamma siuarmanngitsuusut allaaserineqarsimasut.
Saammaasseqatigiinnissamut ataatsimiititaliarsuup sulinera
Tamannaanngilarli Kim Leinep isornartorsiuinera. Saammaasseqatigiinnissamut ataatsiiititaliarsuup sulinerami kalaallit piumasaqataat eqqarsaatigalugu, Kjærgaardip oqaatigaa tamanna kalaallit akornanni taamaallaat piumasarineqarmat tamanna illaruaataannaasoq.
- Saammaasseqatigiinnissamut ataatsimiititaliarsuup sulinerata taama ammut isigineqarnera, kalaallinik nikassaanerusutut isigaara. Tassami isumaqarpunga nunasiaataasimasnerup nalaani susoqarsimanersoq qulaajaavigineqartariaqartoq ilaatigut inuiaat assigiinngitsut marluk assigiimmik atugassaqartitaasimanersut paasiniarneqarnissaaq pingaaruteqarluni, atuakkiortoq, Kim Leine KNR-imut oqarpoq.