Kim Kielsen Siumumi siulittaasussatut Wæverip tapersersorpaa

- Nunatta kujataani suliniutit aallartissimasagut ikerinnakkut qimannianngilakka. Borgmesteritut uannik tatiginnillutik qinersinikut neriorsornikuuakka Qaqortumi najugaqaannarniarlunga - taamatullu neriorsuuteqarnera soorunami attappara, Siumumi siulittaasuugallartoq Jørgen Wæver Johansen, tusagassiorfinnut nalunaarummi ilaatigut allappoq, nangillunilu:

AAMMA ATUARUK Kielsen Siumut siulittaasussaatut sassarpoq

- Tamatuma saniatigut qujanartumik Siumumi siuttussaaleqisanngilagut, partiitsinnik siulersuillarsinnaasunik. Taakkorpassuillu akornanni nalornissutiginngivippara, maannakkut pissutsit taamaanneranni, Kim Kielsen tassaammat siulittaasuunissaminut piukkunnarnerpaaq, taamalu inatsisartunut qineqqusaarnissami partiip siuttussaa.

AAMMA ATUARUK Doris Jakobsen Siumumi siulittaasunngorusuppoq

- Kimmi misilittgartuujuvoq Inatsisartuniinnaanngitsoq aammali Naalakkersuisuni ilaasortaanermigut, tatiginarluinnartuuvoq oqaaseqaraangamilu unneqqarissuujuaannarluni, Siumumi siulittaasuugallartoq Jørgen Wæver Johansen, oqarpoq.

AAMMA ATUARUK Doris Jakobsenip IA suleqatigerusuppaa