Kim Kielsen kimigiiserfigineqartoq
Siumup IA-llu suleqatigiinnissaat nunatsinni inuussutissarsiutinik ingerlataqartut tungaannit neriuutigineqarpoq, taamaaliornikkut nunatsinni inuussutissarsiutinik ingerlataqartut aammalu nunanit allanit aningaasalersuisartut aningaasaqarnermut upperinnilerseqqinnissaat tatiginnilerseqqinnissaallu anguniarlugu, Nunatsinni Sulisitsisut Peqatigiiffit aviisimut Børsenimut ullumi taama oqarpoq.
Danskit nunanut allanut ministeriata Kalaallit Nunaanni innuttaasut qinersinerup aqaguani qinersinerup inerneranik pilluaqquai. Ministerip atituumik suleqatigiittoqarnissaa orniginarnerpaassasoq ilanngullugu oqaatigaa.
AAMMA ATUARUK Danskit nunanut allanut ministeriata kalaallit pilluaqquai
Folketingimi Kalaallit Nunaannut tunngasunut oqaaseqartartut arlallit - Enhedslistenimit Venstremut - Kim Kielsenip IA-mik naalakkersuisooqateqarnissaanik toqqaannartumik kaammattuuteqarput.
AAMMA ATUARUK Christiansborgimit qisuariaatit
Danskit politikerii isumaqarput Kalaallit Nunaata aningaasaqarnera iluarseqqinniarlugu aaqqissuusseqqinnerit atasinnaasut ingerlanneqarnissaat aammalu innuttaasut suleqatigineqarnissaat pisariaqarpoq.
Sermitsiaq.AG-p pisortaa, Poul Krarup, aamma oqallinnermut akuliuppoq oqarluni:
- Taakku suleqatigiittuuppata inuiaqatigiinnut pitsaanerpaassaaq. Suliassaqarfiimmi arlalippassuupput suleqatigiissutigisinnaasaat qanittuararsuupput.