VIDEO Kim Kielsen: Isumaqatigiinninniarnerit eqqissilluta suliarerujoorpagut
- Tassa periarfissarititaasut ullut 42-pput, eqqissilluta massakkut suliarerujoorpagut.
Kim Kielsen oqaluttuarpoq partiinik allanik ataatsimeeqateqarnermi saqqummiunneqartut siulersuisunilu oqaluuserisarlugit. Partiinik allanik ataatsimeeqateqartarnerani oqaluuserineqartut Kim Kielsenimit ima oqaluttuarineqarput.
Aamma atuaruk Hans Enoksen sivikitsuinnarmik ataatsimiinnerup kingorna nuannaarpasippallaanngitsoq
- Tamarmik oqimaalutarneqarujoorput. Aningaasaqarnerput pingaaruteqarpoq aamma suliffissaaleqineq, isumaginninneq aalisarnerlu, Kielsen oqarpoq.
Qineqqusaartoqarnerani uran pillugu innuttaasunik taasitsisoqarnissaq Inuit Ataqatigiinnit aamma Partii Naleqqamit piumasarineqarpoq. Partiinik taakkuninnga isumaqatiginninniarnermi apeqqut taanna aporfigineqarsinnaanersoq Kim Kielsenimut apeqqutigineqarmat taanna ima akivoq.
- Ilaatigut aporfinngortinneqarsinnaavoq, kisianni nalilerneqarnavianngilaq. Oqaloqatigiinnerit ingerlapput. Aporfitulli aamma isigissanngilara, Kim Kielsen partiinik assigiinngitsunik ullumi isumaqatiginniareerluni KNR-imut taama oqarpoq.
Aamma atuaruk Naalakkersuisunngortitsinissaq ullulerneqarallarpoq
Kim Kielsen Naalakkersuisoqatigiinnik nutaanik pilersitsinissamut sapaatit akunneri arfinillit periarfissaqarfigivai. Tamanna sioqqullugu pissagaluarpat, Lars Emil Johansenip naatsorsuutigisaatut, naalakkersuisoqatigiinnik pilersitsinissaq decembarip aqqaneq aappaanni ilimagineqarsinnaavoq.