Hans Enoksen sivikitsuinnarmik ataatsimiinnerup kingorna nuannaarpasippallaanngitsoq
![](/sites/default/files/styles/image_934x467/public/article_images/enoksen_interviewes_0.jpg?itok=S3LMJRaZ)
Siulittaasup Hans Enoksenip ini ataatsimiiffiusoq nalunaaqutaq 12.00 qimaappaa, Siumumullu ilaasortaasimasoq nuannaarpasinngilaq. Suli isumalluarnerluni aperineqarami kiinni eqiinnarpaa, allaffimminullu matu matupallatsinnagu oqaaseqaqqinniarani oqaatigaa.
Siulittaasoq Kim Kielsen oqaaseqarumanngilaq, Siumullu ini isumaqatigiinniartarfia parnaarsinnarlugu qimaappaa, torsuusamilu nipilersuut nipitoqisoq qamikkallarneqarpoq.
Aamma atuaruk Naalakkersuisunngortitsinissamik oqaloqatigiinnerit Naleqqamut isumalluarnarput
Inuit Ataqatigiit siulittaasuata Sara Olsvigip IA suli suleqatigiinnissamut piareersimasoq taamaallaat oqaatigisinnaanerarpaa.
Anda Uldum Demokraatineersoq aamma ataatsimeeqatigineqarpoq, taannalu aamma suleqatigiinnissamut piareersimanerarpoq, tunuliaquttanili oqaloqatigeqqaartinnagit oqaaseqaqqikkumanani. Aamma qanoq isumalluartiginerlutik oqaaseqarfigiumanngilaa.
Aamma atuaruk Partii Naleqqap Siumullu isumaqatigiinniarnerat allanit sivisunerusoq
Ataatsimiinnerup tullia nalunaaqutaq 13.00 pissaaq, tamatumuuna Knud Kristiansen Atassummeersoq oqaloqatigineqassalluni.