Inuussutissarsiutit

VIDEO Killilersugaanngitsumik qaleralinniartitsineq pitsaaquteqarlunilu sanngeequteqartoq

Sumiiffiit ilaannaani killiligaanngitsumik qaleralinniartitsisoqarnera Ane Hansenip (IA) eqqarsarnartoqartittupilussuuaa, aalisarnermulli naalakkersuisup Karl Kristian Krusep (S) sumiiffiit killiligaanngitsumik aalisarfiusut pitsaasutut isigai.

Allattoq Bikki P. Kleist

septembarip 30-at 2015 12:11

- Aalisartunut pitsaasorujussuarmik kinguneqarsimavoq aamma aalisartut toqqissisimanerulersimapput, Karl Kristian Kruse til KNR-imut taama oqarpoq.

Taamammat malittarisassanik allanngortitsinissaq aalisarnermut naalakkersuisup pilersaaruteqarfiginngilaa.

Inatsisartunut ilaasortaq Inuit Ataqatigiinneersoq Ane Hansen Ingerlatsiveqarfinni Qeqertarsuup Tunuani, Uummannami Upernavimmilu sumiiffiit killiligaanngitsumik aalisarfiusut pillugit § 37 naapertorlugu Naalakkersuisunut apeqquteqaateqarpoq.

- Taamaattumik kinguaassavut pissaqartuaqqullugit aqutsilluni aalisartitsinissaq pingaaruteqartorujussuuvoq, Ane Hansen taama oqarpoq.

Aammattaaq MSC-mik nalunaaqutsersuisarneq innersuussutigaa, taannami piujuaannartitsinissamik tunngaveqarluni aalisartoqarneratigut aatsaat pissarsiarineqarsinnaammat.

Aamma atuaruk Aqutsiveqarfiit ullumimit atuutilersumik nutaanik malittarisassaqalissapput

Aamma atuaruk Uummannami angallatit tunitsiviit ilapput

Aamma atuaruk IA: Aalisapilunneq piujuaannartitsineq tunngavigalugu aalisarnerunngilaq

Aamma atuaruk Kunngissap japanimiut qaleralinnik tuniniaaffigissavai

Aamma atuaruk Aalisakkat amerlanerusut MSC-mik nalunaaqutsigaanissaat kalaallit kissaatigaat