Inuussutissarsiutit

Uummannami angallatit tunitsiviit ilapput

Angallat aalisakkanik tunitsivik namminersortunit pigineqartoq Uummannap sulluanut inissinneqarpoq, Uummannami Uummannallu eqqaani qaleralinniat tunitsiveqarniarnerat annertunerulerniassammat.

Allattoq Jaaku Lyberth

juulip 10-at 2015 11:25

Angallat tunitsivittut atorneqartoq tassaavoq Sermilik 1, piginneqatigiiffimmit Avannaa Fisheries-imit attartorneqartoq, pigineqatigiiffik taanna angallammik tunitsivimmik inissiinermut atatillugu pilersinneqarpoq.

Uummannami aalisartut peqatigiiffianni QP-mi ilaasortat, Avannaa Fisheries-mik piginneqataapput.

Qalerallit 40 tonsit ullormut angallammut tunitsivimmut tunineqarsinnaapput.

Aamma atuaruk Aalisarsinnaanermut akuersissuteqartut amerleriartut

Angallammi tunitsivimmi qalerallerisut 20 25-illu akornani sulisorineqarnissaat Avannaa Fisheriesimit siunniunneqarpoq, Frans Heilmannn Avannaa Fisheriesimi piginneqataasoq ataqatigiissaarisorlu oqarpoq.

Angallat tunitsivik qaleralinnik 1200 tonsinik tigusisinnaavoq, Sermilik 1 Uummannp sulluaniissaaq sikunissaata tungaanut.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.