IA: Aalisapilunneq piujuaannartitsineq tunngavigalugu aalisarnerunngilaq
Inuit Ataqatigiinneersoq Naaja Nathanielsen tusagassiorfinnut nalunaaruteqarluni taama allappoq, partiillu naalakkersuisooqataasut Atassut aamma Demokraatit Naalakkersuisuni inissisimaffitsik atorluarlugu politikkimik sangutitsiniaanatik Siumup pisassiisarnermut politikkianik tamanut ammasumik apeqqusiinerat isornartorsiorlugu.
AAMMA ATUARUK Kruse: Pisassiissutit pillugit isornartorsiuineq kingusippoq
- Ajoraluartumilli Naalakkersuisut aalisakkanik isumalluuteqarnerput immeraassutigiuarpaat, arlaleriaqalutalu takusareerparput naalakkersuisunngortitseqatigiinnermi isumaqatigiissut imaqangaarnani oqaasiinnaasoq, Naaja Nathanielsen taama allappoq, sumiiffinnilu aalajangersimasuni pisassiissutitaqanngitsumil qaleralinniartitsineq kiisalu saarullittassanik marloriaatinngortitsisoqarsimanera eqqarsaatigilluagaanngitsumik aalisarnermut politikkeqartitsinermut assersuutissaqqissuunerarpai.
- Partiit Demokraatit Atassullu kusananngitsuliorput pisassiissutit isornartorsiormatigit erseqqissumik akisussaassusilimmik aammalu piujuaannartitsineq tunngavigalugu ingerlatsisoqartariaqarneranik oqaatsimik ataatsimilluunniit piumasaqaateqannginnamik, Naaja Nathanielsen taama allappoq.
AAMMA ATUARUK Demokraatit: Iluareqqusaarneruvoq
AAMMA ATUARUK Steen Lynge: Saarullittassanik qaffaaneq siunissami ajornartorsiutinik annertunernik pilersitsiinnassaaq
Taamaammat Atassut aamma Demokraatit kajumissaarpai immikkut isummersuutitik tigussaasumik iliuuseqarnermik malitseqartissagaat.
- Taamaaliorsinnaanngippatami partiip Siumup aalisarneq pillugu politikkianut 100 procentimik tunuliaqutsiisutut isigineqalissammata, Inuit Ataqatigiinneersoq taama naggasiivoq.
