Kikkulluunniit sakialluuteqalersinnaapput
Naappat sakialluut nunatsinini suli ajornartorsiutaavoq. Taamaammat nammineq tunillatsissimagaanni nalunngisaqaraanniluunniit sakialluutip ilisarnaataasa ilisimanissaa pisariaqarpoq.
Nappaat sakialluut inummut nuanniitsumik sunniuteqartartoq aqqusinermi naapitatsinnit ippassaq KNR-mut oqaatigineqarpoq .
Sakiallulersimagaanni quersukujunneq, aattalimmik qiserneq, sinnarlulluni unnuakkut kiagorujussuarneq, sanigorneq, nererusussuseqannginneq pisulaarlunilu qasulerneq ersiutaasarput.
Taamaammat pasitsaassaqaraanni sakiallunnermik erngerluni nakorsiarnissaq nakorsaaneqarfimmiit innersuussutigineqarpoq, imminut illersornissaq allanullu tunillaannginnissaq eqqarsaatigalugu.