Kiffartuussinermut isumaqatigiissutit pillugit naalakkersuisoq kujataani angalasoq
Allannguutissat ataasikkaat pillugit maannakkut oqaaseqarsinnaanngilaq.
- Kujataani kiffartuussinermut isumaqatigiissutit allannguutissai pillugit Kommune Kujalleq oqaloqatigeqqaassavaraa aamma Qaqortumi innuttaasunik unnugu atatsimiisitsissaanga, attaveqarnermut Naalakkersuisoq Martha Lund Olsen taama oqarpoq.
Martha Lund Olsen Qeqertarsuup tunuani angalanissaminik pilersaaruteqarpoq, marlunngorpalli inatsisartuni ataatsimiiinermi pisussat apeqqutaatinneqarput.
Tassanngaaniillu paasissavaa Qaasuitsup Kommuneanik ataatsimeeqarnissani innuttaasunilu ataatsimiitsinissani qaqugu pissanersoq Martha Lund Olsen KNR-mut oqarpoq,
Aningaasaqarnermut inatsimmi allannguutissatut siunnersuut naapertorlugu, ilaasunik angallassinikkut kiffartuussinissamik isumaqatigiissutinut nutaanut ilassutitut isumaqatigiissutissanut 18,1 millionit koruunit immikkoortinneqassasut, Naalakkersuisuusimasut siunnersuutigaat.
Kiffartussinnermut isumaqatigissumut Naalakkersuisut amerlanersunik aningaasaliiniarnersut sumullu atorneqarniarnersut suli ilisimaneqanngilaq.
Aningaasaqarnermut Naalakkersuisunngorlaap Aqqaluaq B. Egedep kiffartuussinermut isumaqatigissutinut amerlanerussunik aningaasaliisoqassanersoq oqaaseqarfiginiarnagu oqarpoq, isumaqatigissutinut akisussaasuusoq Martha Lund Olsen qisuarnissaa utaqqimaarniarlugu Aqqaluaq B. Egede KNR-mut oqarpoq.
