Kiffartuussinermut isumaqatigiissut assuarineqartoq angalasoqarnerutitsisoq
Nunatta kujataani arloqiusamik aaqqissuussineq januaarip aallaqqaataat aallarnerfigalugu atuutsilersinneqarpoq. Qulimiguulimmik angalanerup saniatigut umiarsuarmik qulimiguulimmut ilaanermit akikinnerusumik atulersitsisoqarpoq.
Erik Jensenillu akissuteqaataa naapertorlugu sumiiffimmi tassani ukiumut angalasoqarneruvoq.
Ukiup siulliup affaata ingerlanerani 20.000-it missaat kujataani angalasimapput, taakkunannga affaat sinnerlugit umiatsiamik angalanissamik atuisimapput.
AAMMA ATUARUK Kiffartuussinissamik isumaqatigiissutit misissuiffigineqarnissaat borgmesterip piumasarigaa
- Kalaallit Nunaata kujataani imaatigut angallassinerup assartuinermut ilanngunneqarnera ilaasut amerleriarnerannik kinguneqarpoq, tamannalu pitsaasuuneranik takutitsivoq, Erik Jensen allappoq
Ukiullu affaani ilaasut 20.000-iusut 2015-imi ukioq naallugu ilaasut 2/3 delerigaluaraa ilaasartut ameriarsimanerisa inerniliutiginissaa siusippallaarpoq, tassami ukiup qanoq ilinera eqqarsaatigineqanngilaq.
AAMMA ATUARUK Suli pitsanngorsagassaqarpoq
Kiffartuussinissamut isumaqatigiissutit nutaat unammillernartoqanngaatsiarsimasut Naalakkersuisut nassuerutigaat. 2017-imi taamaatitsiinnarnerit angalanissamillu allanngortitsinerit amerlaqaat.
Taakku affaasa silap qanoq inneranik unammillernerupput. Aammali umiatsianik ingerlatsisut ilaasullu sungiussiniarnerat, silap ingerlasarnera suleqatigiinnerillu ajornartorsiutaapput.
AAMMA ATUARUK Servicekontrakterne er stadig ikke tilfredsstillende
Akissuteqarneq naapertorlugu suleqatigiinniarneq pitsanngorsimavoq.
Erik Jensenip ilanngullugu ilisimatitsissutigaa kiffartuussinissamut isumaqatigiissutit naliliiffigineqarnissaat aallartinneqarsimasoq, taakkulu piffissami qaninnermi naammassineqarnissaat naatsorsuutigineqarluni.
