Akerliussutsimik takutitsisut: Suli pitsanngorsagassaqarpoq
Borgmesterimit Jørgen Wæver Johansenimit aamma akerliussutimik takutitsisunit kiffartuussinissamik isumaqatigiissutit isornartorsiorneqangaatsiarput.
Isornartorsiuinerit Martha Lund Olsenip ammasumik sisamanngormat allagaqarluni akissuteqarfigai.
Isumaqatigiissutaareersut taamaatinneqassanngillat, kiffartuussinissanullu isumaqatigiissutit atorunnaarsinneqassagaluarpata kingunerisinnaasai Kommune Kujallermit isiginiarneqannginnerat akisussaassuseqanngitsuliornerusoq ilaatigut allakkamini allappaa.
AAMMA ATUARUK Wæver akisussaassuseqanngitsuliorpoq
Akerliussutsimilli takutitsisut isumaat allangunngillat. Sulimi pitsanngorsagassaqartoq akerliusut isumaqarput.
Qulimiguulimmik angallassinerulernissaq kissaatigineqartoq, akerliussutsimik aaqqissuusseqataasimasut ilaat Monica Dorph oqarpoq.
- Massakkut ukioq naallugu helikopterit marluk angalasaramik, taava martsiminngaanniit decembari tungaanut helikopteri ataasiinanngortussaavoq, Monica Dorph oqarpoq.
Silaannakkut imaatigullu angallassinissaq isumaqatigiissutaareersuni pilersaarutigineqarpoq.
Qulimiguulimik angallassineq imaatigut angallassinermut ilaneqassaaq, Monica Dorphili naapertorlugu tamanna pitsanngoriaataanaavianngitsoq isumaqarpoq.
AAMMA ATUARUK Servicekontrakterne er stadig ikke tilfredsstillende
- Tassami helikopteri ataasiinnanngorpat, upernaakkut maani kujataani sikorsuaqalertarami, taava immakkut angallassineq isumannaanngitsorujussuussagami, Monica Dorph oqarpoq.
Akerlissutsimik takutitsisimasut killiffiit pillugit qanittumi naapeqatigeeqqissamaartut aamma oqaatigineqarpoq.
