Wæver: Kiffartuussinissamik isumaqatigiissutigineqartut pitsaanerusinnaapput

Kujataani innuttaasut akerliunerat kiffartuussinissamik isumaqatigiissutinut pitsaanerusumik angusaqartitsipput. Isumaqatigiissutinut 22,2 millionit koruunit immikkut tapiliunneqareermata borgmesteri taama oqarpoq.

Allattoq Sara K. Jakobsen, Anton Gundersen Lihn

novembarip 24-at 2016 09:26

- Isumaqarpunga taakkua (Innuttaasut aaqq.) taamatut iliuuseqarnerat uani ingerlanermi taamatut inerneqarneranut iluaqutaasoq. Ilorraa tungaanut, Kommune Kujallermi borgmesteri Jørgen Wæver Johansen oqarpoq.

Isumaqatigiissutigineqartulli suli naammaginanngitsut, taanna isumaqarpoq.

AAMMA ATUARUK Kiffartuussinissamut isumaqatigiissutMartha Lund Olsen: Pitsaanerpaaq angusinnaasara saqqummiuppara

- Kisianni pisimasut ataatsimut isigissagaanni isumaqarpunga inernera pakatsinartoq.

Jørgen Wæver Johansenip Qanoruumut oqaatigaa pitsaanerusumik angusaqartoqarsimasinnaagaluartoq isumaqatigiissutaareersut atorunnaarsissimagaluaraanni.

- Oqaatigilluaannarlugu isumaqarpugut pitsaanerujussuarmik angusaqartoqarsimasinnaagaluartoq, isumaqatigiissut taanna atsiorneqarsimasoq nutaavimmik taarserneqarsimasuuppat.

AAMMA ATUARUK Naalakkersuisoq: Kujalleq tusaaneqarpoq

Kiffartuussinissamut isumaqatigiissutinut 22,2 millionit koruunit tapiliutigineqareersut suut pitsanngorsaatissatut amigaataanersut taassuma oqaatiginngilai, kisianni imaatigut angallassinermiit silaannakkut angallassisoqarnerunissaa taassuma suli ujartorlugu oqaatigaa.

- Uagut aallaqqaataaniilli oqariartuuterput tassaavoq angallanneq timmisartuussinikkut ingerlanneqartariaqartoq, Wæver oqarpoq.

- kisianni aamma periarfissaasariaqarpoq nunaqarfigut imaatigut anguneqarsinnaanngorlugit ilaasunik isumannaatsumik angallassinermik tapertaqartinnissaat, Kommune Kujallermi borgmesteri Jørgen Wæver Johansen oqarpoq.

AAMMA ATUARUK Kiffartuussinissamik isumaqatigiissutigineqartut Kommune Kujalliup ajorigai

Aningaasat immikkut tapiliunneqartut avannaani kujataanilu nammineq pisuussutiginngisamik angalanerup unittariaqarnerani unnuinissanut nerisaqarnernullu qulakkeerinninnernut aamma qulimiguullit atorlugit angallassinerunissamut atorneqassapput.

Isumaqatigiissutigineqartuni pitsanngoriaataasussatut suut amigaataanersut pillugit borgmesteri itisiliinissamut Radioaviisimit periarfissinneqaraluarpoq, iluatsinngitsumilli.

Wæver: Kiffartuussinissamik isumaqatigiissutigineqartut pitsaanerusinnaapput

Aamma atuaruk