Kielsenip inissisimaffini isumaliutigerusukkaa
Kim Kielsen maannatut isikkoqartillugu amerlanerussuteqartut inissimalluni paasisimavaa:
- Demokraatit, Nunatta Qitornai, Atassut Siumullu ataatsimoorluta amerlanerussuteqarpugut, Kielsen oqarpoq.
Taassuma ikinnerussuteqatumik naalakkersuisuutitaqarnermi siulittuussanerluni sapaatip akunnerata naanerani isumaliutiginiarpaa. Tamanna nammineerluni isumannaassallugu, tusagassiortunut takkuttunut oqaatigaa, suliallu angisuut suliarineqartussat – mittarfiit ilanngullugit innersuussutigalugit.
Siumut, Atassut Nunatta Qitornaalu naalakkersuisooqatigilernissaat Demokraatit tallimanngornermi ualikkut itigartitsissutigaa. Niels Thomsen naapertorlugu Demokraatit naalakkersuisooqataalernissaannut Siumut iluminni eqqissiviilliortoqarnera aaqqiiffigeqqaartariaqarpaa.
Ikinnerussuteqartumilli naalakkersuisuutitaqartoqarnissaanut Demokraatit amerlanerussusiisarnissartik neqeroorutigaat. Tamannalu Siumup, Atassutip Nunattalu Qitornaata aaqqiissutitut akuerisinnaassanerlugu aalajangertussanngorpaat.
AAMMA ATUARUK Demokraatit naalakkersuisooqatigiinnissamut itigartitsipput Kielsenili tapersersorlugu
AAMMA ATUARUK Atassutip naalakkersuisooqataaginnassanerluni isumaliutigigaa