Nunalerisut, savaatillit nunaannarmilu naatitsivinnilu naatitsisartut tunisassiornerminnik annertusaarusututt Nunatsinni periarfissagissaarnerulersinnaapput. Danskit aviisiat Effektivt Landbrug taama allaaserisaqarpoq.
Aarhusip Universitetiata nalunaarusiaa ukioq manna maajip qaammataani saqqummersinneqarpoq, Namminersorlutillu Oqartussat kajumissaaruteqarnerisigut suliarineqarsimalluni.
Ukiup ilaata naatitsiviusup sivisunerulernissaa kiannerulernissaa naatsorsuutigineqarsinnaasoq ilisimatuut ilaatigut erseqqissaatigaat. Tamannalu kujataani savaatillit nunalerisullu iluaqutigisinnaavaat, ivikkanik piffissami sivisunerusumi naatitsisinnaalissammata.
AAMMA ATUARUK Nunaatillit panernersuaqarneranit eqqugaasut
AAMMA ATUARUK Nunalerinermi aningaasarsiorfissanik allanik eqqartuisut
Imerterinermut atortut isiginiarneqassapput
Nunalli panernerulernissaa ilisimatuut aamma erseqqissaatigaat, taamaammat aamma imerterinermut atortut nerukkaatissatullu periarfissat allat isiginiarneqassapput.
Aammattaaq naatitseriaatsit, pilersaarusiorneq nukissiuutinillu atorluaanissamut ilisimasat amigaatigineqarput, Effektivt Landbrug taama allaaserisaqarpoq.
Nalunaarusiaq uani atuarneqarsinnaavoq.
AAMMA ATUARUK Nunaateqarfiit pillugit nalunaarut nutaaq
AAMMA ATUARUK Savaatilinnut 37-nut katillugit 26 millionit tapiissutigineqartut
