Nunaateqarfiit pillugit nalunaarut nutaaq

Nunaateqarfinnik pilersitsinermut tapiissuteqartarneq pillugu nalunaarut nutaaq Namminersorlutik Oqartussat saqqummiuppaat. Suliassaqarfimmut nalunaarut 1993-mit maannamut atuuttoq taarsissavaa.

Nalunaarummi allannguutit pingaarnersaat tassaavoq "savaateqarfiiit" pinnagit "nunaateqarfiit" maanna pineqalermata. Nalunaarut taamaasilluni aamma nersutaatilinnut aamma atuutissaaq.

Pisortanit tapiissutit inunnut 21-nit 65-it angullugit ukiulinnut tunniunneqarsinnaanerat pillugu nalunaarummi nutaami aalajangersagaqarpoq.

Nunaateqarfiit pioreersut tiguneqarnerinut, nunaateqarfiit pilersinneqarnerinut, nunaateqarfiit tunngavianit pilerseqqinneqarnerinut kiisalu nunaateqarfiit pisariaqavissumik nuunneqarnerinut tapiissuteqartoqarsinnaasoq nalunaarummi nutaami immikkut allaatigineqarpoq.

Nalunaarummi nutaami Aalisarnermut, Piniarnermut Nunalerinermullu Naalakkersuisup kommuni pineqartoq, SPS kiisalu Nunalerinermut Siunnersorteqarfik isumasioqatigereerlugit tapiissutit tunniunneqartarnerisa unitsinneqarnissaannik aalajangiisinnaaneq pillugu, kiisalu oqartussaasut pineqartut tusarniaavigereerlugit tapiissutigineqarsimasut utertillugit tunniunneqartarnissaat pillugu aalajangersagaqarpoq.

Naalakkersuisuisut tamarmiullutik nalunaarummi maannamut atuuttumi aalajangiisinnaasutut pineqarput.

Nalunaarut tamakkerlugu uani atuarneqarsinnaavoq.