KÍ Klaksvík klubbit Europami unammiuaarnerisa ilaanni siullerpaamik ajugaasut

KÍ Klaksvíkimeersut Sloveniameersut Olimpija Ljubljanakkut ajugaaffigalugit unammigamikkit Conference Leaguemi siullerpaamik ajugaapput.

Allattoq Ritzau

oktobarip 27-at 2023 08:50

Savalimmiormiut arsaattartoqatigiivi KÍ Klaksvík klubbit Europami unammiuaarnerisa ilaanni unamminermi siullerpaamik ajugaapput.

KÍ Klaksvíkimi Olimpija Ljubljanamut, Sloveniameersumut, unammiuaarnermi Conference Leaguemi ippassaq sisamanngornermi unammigami Klaksvikimi 3-0-imik ajugaavoq.

Klaksvík Savalimmiuni pissartaapput, Europamilu klubbit unammiuaarnissaannut aasaq manna anngunniunnerni tupaallatsitsillutik.

Aamma atuarukArsaanneq: B-67 savalimmiormiunik kakkattunik suleqateqalerpoq

Klubbit Europami unammiuaartarnerannut akimanerpaamut Champions Leaguemut anngutingajalluinnarput, Conference Leaguemulli tassa anngullutik.

Savalimmiormiut klubbiisa ilaat Europami unammiuaarnerni aatsaat taama angusarissaartigaaq, Klaksvíkilu peqataaniaannarluni tassa peqataanngilaq unammillersinnaassuseqarlunilu.

KÍ Klaksvík Lillemut, Frankrigimeersumut unammimmat aamma pointinnapput unammisut naligiikkamik 0-0.

Klaksvik gruppeminni taamaasillutik normu 3-upput, Slovan Bratislava, normu 2-jusoq pointinik marlunnik inulaarlugu, Lillelu 3 pointinik inulaarlugu.

Nutaarsiassami kukkunermik nassaarsimaguit uunga allaffigineqarsinnaavugut.