Kapuinerit annersaat aqagu aallartissaaq: Nuummi Ilulissanilu akiuussusissamik neqerooruteqartoqassaaq
![](/sites/default/files/styles/image_934x467/public/article_images/7v9a9641.jpg?itok=ZZJ8bIST)
Peqqinnissaqarfik Nuummi Ilulissanilu aqagu marlunngornermit marlunngorpat tullianut akiuussutissamik kapuiniarpoq. Akiuussutissaq Modernameersoq atorneqassaaq.
Nuummimi Ilulissanilu 50-ileereersimasut tamarmik neqeroorfigineqassapput. Peqqissaqarfik Ilulissat nunaqarfiinut aamma angalaniarpoq, taakkunanilu 18-ileereersimasut tamarmik neqeroorfigineqassallutik.
- Sapaatip akunnerup kingullermi Nuummi tuniluuttoqarnera peqqutaalluni Nuummi innuttaasunut akiuussutissanik kapuuinissamut pilersaarut siuartinneqarpoq. Taamaattumik aqagu marlunngornermi 1. juunimi Nuummi akiuussutissanik kapuuinerit aallartinneqareertussaapput, tassani ukiortoqqunerit aallarniutigineqarlutik ukiukinnerusunut ingerlanneqassallutik.
Naalakkersuisut tusagassiutinut nalunaarummi allapput.
- Nuummi kiisalu Iluilissani taakkulu nunaqarfiinilu akiuussutissanik kapuuinissamut pilersaarutit tamanut ammasumik, aammalu corona.nun.gl-imi “Kapuinerit” aamma “Kapuiffissaq tulleq” aqqutigalugit, saqqummiunneqarput. Assersuutigalugu sila peqqutaalluni pilersaarutinik allannguisoqaratartoqarsinnaavoq, taamaattumillu Corona pillugu Allattoqarfimmiit nittartakkakkut malinnaanissaq innersuussutigineqarpoq, Naalakkersuisut allapput.
Piffissaq kapuinissallu allanngorsinnaaneri eqqarsaatigalugit pilersaarut ima isikkoqarallarpoq.
Ilulissat aamma nunaqarfiit
1. juuni 2021: Saqqami, Qeqertani Oqaatsunilu akiuussutissanik kapuuinissat
1. juunimi Saqqami, Qeqertani Oqaatsunilu innuttaasunik 18-inik ukiulinnik utoqqaanerusunillu (+18) akiuussutissanik kapuuisoqassaaq.
Piffissat sumiiffissallu:
Saqqaq: nal. 10-13.00, Illu Sullivik
Qeqertaq: nal. 14-16.00, Illu Sullivik
Oqaatsut: nal. 18.00, Atuarfik
2. juuni 2021: Ilulissani akiuussutissanik kapuuinissat
2. juunimi Ilulissani innuttaasunik, 50-inik ukiulinnik utoqqaanerusunillu (+50) akiuussutissanik kapuuisoqassaaq. Neqeroorut innuttaasunut 2. juuni 1971 sioqqullugu inunngorsimasunut atuuppoq.
Piffissaq sumiiffissarlu:
Nal. 8:30-miit 18:00-imut, Sermermiut
3. juuni 2021: Ilimanami akiuussutissanik kapuinissaq
3. juunimi innuttaasunik 18-inik ukiulinnik utoqqaanerusunillu (+18) akiuussutissanik kapuisoqassaaq.
Piffissaq sumiiffissarlu:
Nal. 10, Katersortarfik
Nuuk
1. juuni 2021, 61-ileereersimasut utoqqaanerusullu tamarmik, Ukaliusap atuarfia
2. juuni 2021, 60 – 57-inik ukiullit, Ukaliusap atuarfia
3. juuni 2021, 56 – 54-inik ukiullit, Ukaliusap atuarfia
8. juuni 2021, 53 -50-inik ukiullit, Ukaliusap atuarfia
Akiuussutissamik Modernameersumik kapuuinissaq
Akiuussutissaq atorneqartussaq Moderna-meersuuvoq. Akiuussutissanik kapuuinermi covid-19-imik napparsimarujussualinnginnissaq qulakkeerluarneqassaaq. Tuniluuttoqalernissaa pakkersimaartinniarlugu sapinngisamik amerlanerpaat kapitinnissaat pingaaruteqarpoq. Taamaattumik innuttaasut tamarmik akiuussutissamik kapitinnissamut akuersaaqqullugit kaammattorneqarput. Kisiannili naartusut milutsitsisullu akiuussutissamik kapitinnissamut manna neqeroorfigineqarsinnaanngillat, akiuussutissaq pineqartoq taakkununnga atorneqartussatut akuerisaanngimmat.