Grækenlandimi aningaasaqarneq annaanniarlugu 86 milliardit euronik nunap taassuma atorniarnissaa qulakkeerneqareersorlu Tsipras tunuarpoq.
Ministeriunerup partiia saamerliuniartuusoq naalakkersuisuutitaqartoq Syriza ullumi avissaartuuffiulerpoq.
Partiip taassuma inatsisartuni ilaasortaatitai 25-t partiiminnut ilaasortaajunnaarnerarlugit Griikerit tv-qarfiata ilisimatitsissutigigaa Ritzauimit oqaatigineqarpoq.
Partiimut ilaasortaajunnaartut 25-t taakku partiimik nutaamik suli saamerliuniarnerusumik pilersitsiniarput. Inatsisartuni 300-nik ilaasortaqartuni parti nutaaq partiit annerit pingajuattut inissisimalersinnaavoq.
Parti nutaaq Inuppalaartumik Ataatsimoorfimmik atserniarneqarpoq tassanilu siuttuussalluni siornatigut nukissiuuteqarnermut ministeriusimasoq Panagiotis Lafazanis. Tsiprasip Europamit aningaasarsiornikkut annaassiniarluni piumasaqaatinut tapersersueqqusilluni kajumissaarutaanut akerliusut Syrizami saamerliuniarnerusut taassuma siuttuuffigai.
