Kanukokap 2015-imi aningaasaqarnissaq isumannaarusuppaa

Kommunini aningaasaqarneq unittuussanngippat, Kanukokap Naalakkersuisullu akornanni aningaasatigut ukiormanna isumaqatigiissuutaareersut malinneqarsinnaapput.
Martha Abelsen Assi © : KNR
Allattoq Nauja Møller
oktobarip 13-at 2014 13:16

Inatsisartunut ukiormanna qinersereernissap tungaanut kommunit aningaasaqarnerisa nalimmassarneqarnissaat unitsikkallarneqaraluartoq tamanna pisinnaavoq,Kanukoka tallimanngormat ataatsimeereernerup kingorna taama allappoq.

Ataatsimiinneq pineqartoq Kommuneqarfik Sermersuumi borgmesterimit Asii Chemnitz Narupimit peqataaffigineqanngilaq.

Kommuni Kujalleq aamma Qaasuitsup Kommunia Kommuneqarfik Sermersuumit aningaasanut missingersuutini aningaasarpassuarnik pisussaagaluarpoq, taamatulli ineriartorneq Kanukokamit qatsulluinnarneqarpoq.

Aamma atuaruk Kommuneqarfik Sermersooq KANUKOKA-mit aninialerpoq

- Ukioq mannamut isertitatut aningaasaliissutaasut taamaallaat aallavigalugit missingersuusiortoqarsinnaavoq. Aningaasanullu inatsisissaq qanoq isikkoqarumaarnersoq aatsaat qinersinerup kingorna paasinarsissammat missingersuusioqqittoqartariaqassaaq, 2015-imut aningaasanut inatsisissaq 2015-ip affaani siullermi aalajangersarneqareerpat.

Aamma atuaruk Kommunalbestyrelsimut ilaasortaq: - Kanukoka malunnaataaruppoq

Kanukokap siulittaasua Martha Abelsen taama allappoq, erseqqissaatigalugulu periarfissat Kanukokamit ujartorneqalersut aamma Naalakkersuisut isumaqatigiinniarfigineqannginneranni kommunit tamakkerlugit oqaloqatigineqaqqaassasut.