Kommuneqarfik Sermersooq KANUKOKA-mit aninialerpoq
Tamanna Demokraatini ilaasortap Justus Hansenip uppernarsarpaa.
KANUKOKA-mit ilaasortaajunnaarnissaq pillugu Inuit Ataqatigiit siunnersuutigisartik marlunngorpat ataatsimiinnerup kingorna aatsaat oqaaseqarfiginiarlugu nalunaarput.
Inuit Ataqatigiit kommunalbestyrelsimi Demokraatit suleqatigaat, taakkulu siunnersuummut isumaqataapput.
- KANUKOKA-mit ilaasortaajunnaarnissaq siornatigut oqallisigisarnikuuarput. Marlunngorpat tamanna oqallisigissavarput.
Demokraatit siulittaasuat aamma Kommuneqarfik Sermersuumi borgmesterip tullia Anda Uldum Radioaviisimut taama oqarpoq.
Kommuneqarfik Sermersuup KANUKOKA-mit aniguni ukiumut 4 millionit koruunit sinnerlugit sipaarsinnaagaa oqariartuutigineqarnikuuvoq.