Kangilinnguit septembarimiit sulisoqaqqilissaaq

Taamaalilluni sakkutooqarfiusimasumi septembarip aallaqqaataaniit aalajangersimasunik nakkutilliisoqartalernissaaq.
Værnsfælles Forsvarskommando tusagassiuutinut taama allappoq.

Issittumi illersornissaqarfiup suliassaqarfii pillugit danskit naalakkersuisui, Radikale Venstre aamma Socialdemokraatit siorna decembarimi nutaamik isumaqatigiissusiorput.

AAMMA ATUARUK Kangilinnguani sakkutooqarfik ammaqqittussanngoraat

Tamatumalu malitsigisaanik illersornissaqarfiup Kangilinnguit ammaqqittussanngorpaa, Issittumi sakkutooqarfiup 2012-imi qimakkaluarpaa, 2014-imilu matuvinneqaraluarluni.

AAMMA ATUARUK Grønnedal koster minimum 25 mio. kr. om året

Kangilinnguilli ammaqqinnginnerani illersornissaqarfiup illut piareersaqqaartussanngorpai. Innaallagissamut aqqutit erngullu aqqutai suliarineqassapput. Taamaalillutik illut ilaatigut ukiuni tallimani inoqarsimanngitsut suliarineqaqqaartussanngorput.

Kangilinnguit ammaqqinneqarnissaannut siunertaavoq, tapertatut inissisimalissammat, ilaatigut atortuusiviussaaq, toqqorsiviussaaq orsussaasiviussallunilu.

Kangilinnguani illersornissamut sungiusartoqartalissaaq ilinniartoqarsinnaalissallunilu, soorluttaaq issittumi pisortanut ilisimatusarnermut periarfissaalissasoq.
 

AAMMA ATUARUK Kangilinnguini saliisoqarnissaa pillugu Danmark pilersaarusiorpoq

AAMMA ATUARUK Kangilinnguani saliisoqarnissaa Løkkep neriorsuutigaa