Kangilinnguini saliisoqarnissaa pillugu Danmark pilersaarusiorpoq
Illersornissaqarfiup Issittumi siunissami suliassai pillugit isumaqatigiissutaasimasut tunngatillugu Kangilinnguit ammaqqinnissaa isumaqatigiissummi ilaavoq, Kangilinnguani sakkutooqarfiusimasumilu saliisoqarnissaa pilersaarutigineqarpoq.
Illersornissaqarfimmiit KNR-imut ima allapput:
- Kangilinnguit qanoq atorneqarnissaa pillugu Illersornissaqarfiup pilersaarusiamik piareersarniarpaa. Pilersaarut 2017-imi naammassinissaa naatsorsuutigineqarpoq. Sakkutooqarfiup atorneqarnissaanut tunngatillugu saliinissaq aamma pilersaarutaavoq, illersornissaqarfik allappoq.
AAMMA ATUARUK Kangilinnguani sakkutooqarfik ammaqqittussanngoraat
Nunatsinnit folketingimut ilaasortaq Aaja Chemnitz Larsen naapertorlugu, Kangilinnguit tamaat salinneqassoq aningaasaliisoqassasorlu, KNR-imut oqarpoq.
- 125 millionit koruuninik 250 millionit korunuunillu akornani akeqassasoq naatsorsuutigineqarpoq, Aaja Chemnitz Larsen oqarpoq.
AAMMA ATUARUK Forsvarsaftale mangler fokus på civiles hjælp
