Kangilinnguit ukiumut ikinnerpaamik 25 mio. koruuninik akeqassasoq
Nutaarsiassaqartitsivik Defencewatch danskit aningaasaqarnermut ministereqarfiata allagartai aallaavigalugit taama allaaserisaqarpoq.
Ilersornissaq pillugu danskit partiivisa isumaqatigiissutissaat 2020-ip tungaanut ukiumut ikinnerpaamik 25 millionit koruuninik Kangilinnguinut aningaasartuuteqarfiussasoq, allagaatini takuneqarsinnaavoq.
Folketingimi amerlanerussuteqartut Illersornissaqarfiup Issittumi sulineranut ukiumut 100 millionit koruuninik immikkoortitsisoqartassasoq aalajangereerpaat.
Illersornissaqarfiup Kangilinnguit ammaqqinnissaannik isumaliuuteqarnera KNR-ip novembarimi oqaluttuaraa.
Aalajangernerlu illersornissaqarfimmit decembarimi uppernarsarneqarpoq.
Illersornissaqarfiup sakkutooqarfik tuniniarnikuugaluarpaa iluatsinnaguli.
Kangilinnguit angallatinut aallaavissatut Illersornissaqarfimmit maanna atorneqartussanngorpoq.
AAMMA ATUARUK Kangilinnguit pisariaqartipparput
AAMMA ATUARUK Kangilinnguani sakkutooqarfimmik pilersitsiniarneq itigartinneqarli
AAMMA ATUARUK Kinamiut suliffeqarfiutaata Kangilinnguaniinnissaa ernumanartortaqartoq