Ineqi Kielsen: Kangilinnguani sakkutooqarfimmik pilersitsiniarneq itigartinneqarli
- Salinneqartariaqarpoq. Nutaamik sakkutooqarfilioqqinniarneq nunatta itigartilluinnartariaqarpaa, Ineqi Kielsen oqarpoq.
Kangilinnguani sakkutooqarfiusimasup Danmarkip illersornissaqarfianit ammaqqinniarneqarnera taassuma apeqquserpaa, Naalakkersuisunullu allagaqaateqarnissani pinngitsoortinniarsarisimallugu allattariaqalersimasutut maanna misigisimavoq.
Kangilinnguani sakkutooqarfiusimasup ammaqqinneqarnissaa danskit naalakkersuisuisa Illersornissamut ministereqarfiup Issittumi siunissami suliassai pillugit Radikale Venstre Socilademokratillu peqatigalugit siorna isumaqatigiissutigisaat taama ilaatigut imaqarpoq.
AAMMA ATUARUK Kangilinnguit kinamiut pisiaringajakkaat
Naalakkersuisulli isumaqatiginninniarnernut peqataatinneqarsimannginnerat, Naalakkersuisut Ineqi Kielsenip januaarip ulluisa pingajuanni akissutaanni atuarneqarsinnaavoq, Danmarkimilu naalakkersuisut nunatsinni nunaminertanik Nunatsinni oqartussaasunik suleqateqanngilluinnarlutik aalajangiisarniarnissaat taassuma ernummatigaa.
Naalakkersuisut taamaammat kajumissaarpai danskit naalakkersuisuinik sakkortuumik isorinneqqullugit, nunatsinnilu taama pisoqaqqinnginnissaanik sillimaqqullugit, soorlu aamma Kangilinnguani sakkutooqarfimmik pilersitsiniarneq itigartittariaqarsorigaa.
AAMMA ATUARUK Kangilinnguit kinamiut pisiaringajakkaat
