Mittarfiliorneq Kangerlussuarmi nunaqarfimmi aqutsisut Demokraatit isumaqatiginngikkaat
- Isumaqatiginngilara aamma Narsarsuaq eqqarsaatigalugu. G-60-ip politikkia suli ersarissumik atorpoq. Nunaqarfiit inuerusarniarneqarput taakkua pineqartut, Kangerlussuarmi nunaqarfimmi aqutsisut siulittaasuata tulliata Johan Lange oqarpoq.
AAMMA ATUARUK Narsarsuaq Kangerlussuarlu qulimiguulinnut mittarfinngortinneqarlik
Kangerlussuaq Narsarsuarlu qulimiguulinnut mittarfinngortinneqassapput, taarsiullugulu pilersaarutaareersut malillugit Nuummi Ilulissanilu mittarfissualiortoqassaaq Qaqortumilu nunap immikkoortuani mittarfiliortoqarluni. Demokraatit tamanna taperserlugu sapaatip akunnerani matumani nalunaarutigaat.
Kangerlussuaq mittarfissuujunnaassappat, ingerlatseqatigiiffiit najugaqartunut nunaqarfimmi allaniluunniit suliffissaqartitsiinnarnissaat Niels Thomsenip naatsorsuutigalugu KNR-imut oqaatigaa.
AAMMA ATUARUK Allanngortiterisoqarnerani suliffissaqartuarnissaa Demokraatit naatsorsuutigigaat
Tamannali Johan Langep takorloorsinnaanngilaa:
- Soorunami isumaqatiginarsinnaavoq, kisianni takorloorneqarsinnaanngilaq tamatta sulilersinnaasugut massakkutut ingerlaaseq malillugu, oqaannarpoq tamanna politikkikkut akuleruffigisinnaanagu kisianni ilimagiinnarlugu. taamaannak neriorsorneqarsinnaanngillat narsarsuarmi kangerlussuarmi najugaqartut.
