Demokraatit: Narsarsuaq Kangerlussuarlu qulimiguulinnut mittarfinngortinneqarlik

Partii illuatungiliuttoq Demokraatit taama nalunaaruteqarpoq, mittarfiliassatullu pilersaarutigineqartut sanaartorneqassappata Kangerlussuup Narsarsuullu qanoq pineqarnissaat partiip erseqqissumik isummerfigaa.  

- Demokraatini aallaqqaataaniilli Ilulissani Nuummilu atlantiku qulaallugu timmisartorsuarnut mittarfiliornissat taamatullu Qaqortumi nunap immikkoortuani mittarfiliornissaq illersorsimavagut. Misissuinerit naatsorsuinerillu pereersut isummagut allanngortinnikuungilaat, Demokraatit siulittaasuat Niels Thomsen tusagassiorfinnut nalunaarummi allappoq.

AAMMA ATUARUK Danskit aningaasaateqarfii mittarfiliassat aningaasalersornissaannut soqutiginnittut

Mittarfissuillu pioreersut pillugit ima allappoq:

- Misissuinerimmi ersarissumik takutippaat Narsarsuup Kangerlussuullu qulimiguulinnut mittarfinngortinnissaat iluaqutissartaqarluartussaasoq. Taamaattumik isumaqarpugut taamaaliortoqartariaqartoq.

Namminersorlutik Oqartussat naatsorsuinerat naapertorlugu, mittarfiliortiternissamik pilersaarutit piviusunngortinneqassappata tamanna mittarfissuarnut pioreersunut annertuumik kinguneqartussaavoq. Naatsorsuinerimmi naapertorlugit innuttaasut amerlanersaat nunaqarfinnit marluusunit nuuttariaqassapput, mittarfinni suliffitik annaassagamikkit.

Naalakkersuisut maannamut ilisimatitsissutigereerpaat marlunnik suleqatigiissitaliortoqarsimasoq kommunit attuumassuteqartut suleqatigalugit nunaqarfiit marluusut siunissaat pillugu pilersaarusiortussanik.

AAMMA ATUARUK Danskit mittarfinnut aningaasaliinissaanut periarfissat Kielsenip Løkkellu misissorniarpaat