Danskit aningaasaateqarfii mittarfiliassat aningaasalersornissaannut soqutiginnittut
Ministeriunerup Lars Løkke Rasmussenip Naalakkersuisullu siulittaasuata Kim Kielsenip danskit soraarnerusutisiassaqalernissamut aningaasaateqarfiisa nunatsinni aningaasaliisinnaanerannut periarfissaanik misissuinissaq Naalagaaffeqatigiit aasaaneranni ataatsimiinneranni aallartippaat.
Soraarnerussutisiassanullu aningaasaateqarfiit arlaqartut piareersimapput. Taakkununnga Danmarkimi soraarnerussutisiassanut aningaasaateqarfiit annerpaartaasa ilaat PKA ilaavoq:
- Kalaallit Nunaanni qanoq isilluni iliuuseqartoqarsinnaanersoq oqaloqatigiissutigerusunneqarpat pinngitsoorata peqataarusuppugut, Peter Damgaard Jensen, Danmarkimi pensionsselskabit annersaasa ilaanni PKA-mi pisortaaneq Sermitsiamut oqarpoq.
AAMMA ATUARUK Danskit mittarfinnut aningaasaliinissaanut periarfissat Kielsenip Løkkellu misissorniarpaat
Naalagaaffeqatigiinniittut aasaq manna ataatsimeereersut ministeriuneq Naalakkersuisullu siulittaasuat ataatsimut nalunaaruteqarput.
Danskit soraarnerussutisiaqalernissamut aningaasaateqarfiisa nunatsinni aningaasalersuisinnaanissaannut periarfissat misissornissaannik suliaq danskit ministeriunerata Lars Løkke Rasmussenip Naalakkersuisullu siulittaasuata Kim Kielsenip naalagaaffeqatigiit aasaq ataatsimeeqatigiinneranni aallartippaat.
Nalunaaruteqarnerminni Qaqortumi, Nuummi Ilulissanilu mittarfiit nutaat danskit tungaanniit qanoq tapersiiffigineqarsinnaanissaata misissorneqarnissaat tunngaviuvoq. Namminersorlutik Oqartussat pilersaarutinik piviusunngortitsinissamut 2 milliardit koruunit tikillugit atortariaqarput.
