Kangaatsiami nutaamik atuarfeqalissasoq

Sanaartorneq ukioq manna maajip qaammataani aallartissasoq Kommune Qeqertaliup naatsorsuutigaa.

- Innuttaasut nutaamik atuarfittaarnissamik ukiorpassuarni kissaataat piviusunngulerpoq, qularnanngilarlu atuarfittaarneq angusat qaffariarnissaannut sulinermi pingaaruteqassasoq, Kommune Qeqertalimmi borgmesteri, Ane Hansen (IA), tusagassiuutinut nalunaarummi allappoq.

Atuarfiliorneq 2022-mi naammassineqassangatinneqartoq

Atuarfissaq kommunimit tamakkiisumik aningaasalerneqarpoq, sulliffeqarfillu KJ Greenland A/S sanaartortussatut toqqarneqarpoq.

Atuarfiup 2022-mi juunimi naammassineqarluni tunniunneqarnissaa, Kommune Qeqertalimmit naatsorsuutigineqarpoq.

AAMMA ATUARUK Kangaatsiap Atuarfiata ilaa ingutserneqartoq

- Nuannaarutigeqaarput kiisami anguniagaq anguneqaraluttuarmat. Meeqqat, ilinniartitsisut angajoqqaallumi qutsateqaagut, nutaarsuarmik atuarfeqalissammata. Sanaartorneq qularnanngitsumik Kangaatsiami suliffissaqartitsinikkut annertuumik iluaqutaassammat aamma nuannaarutigeqaarput, ataatsimiititaliami Inoqarfimmi siulittaasoq, Hans Aronsen (IA), oqarpoq.

Angajoqqaat akerliusut

Namminersorlutik Oqartussat Kangaatsiami nutaamik atuarfiliornissamut sanaartortitsisussaagaluarput. Sanaartortoqarnissamulli atuartsitsiffiusussat init sisamat taamaallaat sananeqartussanngormata, sanaartortitsinissap kommunimit tiguneqarnissaanut kommune qinnuteqarpoq.

AAMMA ATUARUK Namminersorlutik Oqartussat Kangaatsiami atuarfimmut nutaamut aningaasaliisariaqartut

Kangaatsiami angajoqqaat taamanikkut pakatsisimaartut akerliunertik takutinniarlugu meeqqatik atuarfimmut oquttumut atuariartortittanngilaat.