Kalaallit Savalimmiormiullu ukiut 20-it qaangiuppata namminersulivissagatippai

Ukiut 20-it qaangiuppata Savalimmiut aamma Kalaallit Nunaat tassaalersimassapput nunat namminersulivissimagaluarlutik taamaattoq Danmarkimik qanimut suleqateqartut. Savalimmiuni naalakkersuisut siulittaasuat Kaj Leo Holm Johannesen siunissaq pillugu taama takorluukkersaarpoq aviisimi Politikenimi ullumi saqqummersumi.

Savalimmiut namminersulivinnissaat pillugu naalakkersuisut siulittaasuat oqaaseqarpoq savalimmiormiut juunip 28-at inuiattut ullorsiormata, tamatumalu kingorna Savalimmiuni oqallittoqangaatsiarpoq. Kaj Leo Holm Johannesenip naatsorsuutigaa oqartussaaffinnik tigusinissamut inatsit malillugu oqartusaaffiit tiguneqartussat sinneruttut 15-it ukiut qulit ingerlaneranni tigusinnaajumaaritik. Taama pisoqarpat sillimaniarnermut, illersornsisamut nunanullu allanut tunngasut pillugit oqartussaaffit tigunissaat amigaatigilissavaat.

- Immitsinnut isiginngilagut inuiattut 48.000-nik amerlassusilittut sunik tamanik isumaginnissinnaasutut. Nunarsuaq tamakkerlugu 80-nik aallartitaqalernissarput piviusorsiortuunngilaq. Tamanna ajornavippoq. Taamaattumik Danmark qanimut suleqatigisariaqarparput, Savalimmiuni naalakkersuisut siulittaasuat oqarpoq.

Taassuma erseqqissarpaa Savalimmiut Danmarkimut attaveqarumanerat aningaasanik tunngaveqanngitsullu kulturikkulli qilerutinik pissuteqartoq.

- Ersertuussinnaanngilarput illoqarfik nunarsuarmi savalimmioqarfiunerpaaq tassaammat København. Tassa savalimmioqarfiunerpaaq Torshavniunani Københavniuvoq. Ilaqutariittut qallunaat savalimmiormiullu qanittumik imminnut qileruteqarput, Kaj Leo Holm Johannesen Politikenimut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat