Kalaallit Røde Korsiat tarnikkut ikiueqqaarsinnaalersoq

Karrat kangerluanni tassaarsuaqarnerata kinguneranik Kalaallit Røde Korsiata tarnikkut ikiueqaarnermut pikkorissaasarnini annertusivaa. Røde Kors tusagassiuutinut taama allappoq.
Karrat kangerluanni tassaarsuaqarnerata kinguneranik Kalaallit Røde Korsiat tarnikkut ikiueqaarnermut pikkorissaasarnertik annertusivaat. Røde Kors tusagassiuutinut taama allappoq. (Asseq: Toqqorsivimmit) Assi © : KRK-INUA
Allattoq Malik Brøns
decembarip 30-at 2019 07:54
Nutserisoq Ane-Marie Petersen

Ulluni sisamani pikkorissarnermi peqataasut aliasunneq, uippakajaarneq ajornartorsiornerullu iliuuseqarfiginissaanut ilisimasaqarfiginerulissavaat. Peqataasut tarnikkut ikiueqqaarnermut pikkorissaanissamut allagartaqalissallutik.

- Pikkorissarneq tapersersuinermi, aliasunnermi ajornartorsiornermilu tunngaviusumik ilisimasaqalerfiusarpoq. Tamakkulu oqallisigineqartarput nunatsinnut ataqatigiissakkamik, tassani pikkorissartut namminneq misilittangaat ilanngunneqartarlutik, Kalaallit Røde Korsianni ikiueqqaarnermi ataatsimiititaliami siulittaasoq Julie Senderovitz Bendtsen tusagassiuutinut nalunaarummi allappoq.

Røde Kors nunatsinni ikiueqqaarnermi kisiartaalluni 1973-imi pikkorissartitsisalerpoq. Maannalu nunatsinni illoqarfinni 14-ini ikiueqqaarnermut pikkorissaasartoqarpoq.

Tarnikkut ikiueqqaarnermut pikkorissarnissamut peqataarusuttut Kalaallit Røde Korsiannut saaffiginnissinnaapput. Emaili saaffigineqarsinnaasoq tassaavoq krk@.krk.gl, oqarasuaallu saaffigineqarsinnaasoq tassaalluni 32 18 00.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk