Kalaallit Røde Korsiat coronaviruseqarnerani ikiuuttartussarsiortoq
Kalaallit Røde Korsiat coronavirusip nalaani ikiuutttartussanik maanna aaqqissuussivoq.
- Ulluni makkunani ataatsimoorluta ikioqatigiinnissarput pisariaqarpoq. Inuppalaasssuseq Facebookikkut takoqattaarparput, inuit ikiortissarsioraangamik ikiorneqartut, coronartoqarneranilu mattusimagallartunut pisiniarnissamut ikiuukkusullutik neqeroortut amerlaqaat, Kalaallit Røde Korsiat tusagassiutinut nalunaarummini ilaatigut taama allappoq.
Ajunngitsuliornerit tamakku Kalaallit Røde Korsiata tapersersorusuppai, Kalaallit Røde Korsiat tamanna pillugu ataqatigiissaakkamik inuillu ikiortariaqartut sumiinnerinik suliaqarluni aallarteruttortoq suliniaqatigiiffiup oqaatigaa.
Innuttaasut eqqugaasut ikiorusukkai
Kalaallit Røde Korsiata KRK INUA-lu Nuummi ikiuuttartut pilersippaat, illoqarfinni allani pisariaqartitsisoqarsinnaanera aamma eqqumaffigalugu.
- Innuttaasut eqqugaasut, soorlu angerlarsimaffimminni mattusimasut, utoqqaat, inuit anigorneqarsinnaannngitsumik nappaatillit allallu timikkut akiuussutissakinnerusut virusimik tunillatsinnissaminnut qaninnertut nalilerneqarnikuusut ikiorusuppavut, Kalaallit Røde Korsianni siulittaasoq Christina Tønder Bell oqarpoq.
- Ulluinnarni suliassat suliarinissaannut periarfissaqanngitsunut angerlarsimaffiup avataanit ikiortariaqartunut neqeroorutaavoq.
- Siullermiilinngilagut ulluni artornartuni inuiaqatiigittut ataatsimoorluta, pisariaqaartitsisunut ikiuunnissatsinnut piareersimavugut. Inuppalaassuseq ataqatigiinnerlu inuiaqatigiinni nukittuffigivarput, Kalaallit Røde Korsiat allappoq.
Attaveqaatitut pisariaqartitsisunulluunniit ikiuukkusuttut Kalaallit Røde Korsiannut attaveqarsinnaapput.
Emailikkut attavissaq tassaavoq: ikiuutta@krk.gl-imut, imaluunniit oqarasuaammut 23 25 44-mut ulluinnarni ualikkut nalunaaqutaq ataatsimiit pingasut tungaannut sianernikkut.