Kalaallit Nunaata naalagaaffiinngornissaa Mette Frederiksenip tapersersorpaa

- Qanimut suleqatigiissinnaanissaq oqaloqatigiissinnaanerlu upperaara, aqqut taanna aamma atorneqarsinnaasariaqarpoq. Namminiilivittungornissamut kissaateqarneq paasisinnaalluarpara, Mette Frederiksen oqarpoq.
 
Taanna tusagassiortup atuakkiortullu Martin Breumip atuakkiaani saqqummersinneqangajalersumi "Hvis Grønland river sig løs"-imi apersorneqarpoq. Aviisi Weekendavisen taama allaaserisaqarpoq.

Kalaallit Nunaata namminiilivittunngornissamik kissaataa Danmarkimi politikerit nuimasut ilaannit aatsaat tapersersorneqalersoq, Weekendavisenip allaaserisamini oqaatigaa.
 
Kalaallit Nunaata naalagaaffinngornissaa Mette Frederiksenip atuakkiami ullulerusunngilaa. Naalagaaffeqatigiinnerup atorunnaarsinneqarnissaa partiimit kissaatigineqanngitsoq, Socialdemokratit inatsit tunngaviusoq pillugu oqaaseqartittagaata Nick Hækkerupip oqaatigaa:
 
- Tamassumali ukiut ingerlaneranni, qaquguussagaluarnersoq, periarfissaasinnaanissaa ammaffigaarput, Nick Hækkerup oqarpoq.