Kalaallit Nunaat pillugu oqaaseqartoq ministerinngorpoq
![](/sites/default/files/styles/image_934x467/public/article_images/rasmus_jarlov-fotograf_steen_brogaard.jpg?itok=oOzVSrXz)
Jarlow ministerinngorpoq, Brian Mikkelsen folketingemut ilaasortaajunnaarluni, Dansk Erhvervimi direktørinngormat.
Brian Mikkelsen ministeritut tunuarmat, 41-nik ukiulik Rasmus Jarlov inuussutissarsiutit pillugit ministerinngornissaanik ministeriunerup Lars Løkke Rasmussenip toqqarpaa.
Rasmus Jarlow 2015-mi folketingemut qinersisoqarmat qinigaavoq, mannalu tikillugu illersornissamut ataatsimiititaliami siulittaasuuvoq
aamma Kalaallit Nunaat pillugu ataatsimiititaliami ilaasortaalluni. Ataatsimiititaliami ilaasortaanermini naalagaaffeqatigiinnnerup attatiinnarnissaannik oqariartuuteqartarpoq.
Jarlov ministerinngornissaanik ministeriunermiit aggersarneqarpoq, Folketingip illersornissamut ataatsimiititaliaata USA-mi angalaqataanerani.
Jarlov pisortatigoortumik ministeritut ivertinneqarpoq, kalaallit nunaanni qulingiluanut qiteqquttoq tamanna pivoq kunngikkormiut illussaarsuanni Amalieborg.