Kalaallit Nunaat internettimi
”Kalaalliit Nunaat internettimi” qulequtaralugu ataatsimeersuarneq Katuami ullut marluk tulliuttut ingerlanneqarpoq.
Ataatsimeersuarnerup siunertaraa paasissutissiisarnermi attaveqaqatigiinnermilu teknologiip Kalaallit Nunaanni siunissami isikkorisinnaasaa pillugu sukumiisumik isumassarsiorneq, periarfissanillu qulaajaaneq.
Naalakkersuisunut ilaasortap, Jørgen Wæver Johansenip, ataatsimeersuarnerup tunuliaqutaa ima oqaaseqarfigaa:
- Nunat Killiit sinnerini internettikkut periarfissat sukkassutsillu asserpiaannik Kalaallit Nunaanni atugassaqartitaanngilagut.
- Tamanna allanngortinneqalerunarpoq, tassa imaatigut kabeliliinissamik radiullu atassuteqaqatigiiaat nutarterneqarnissaannik pilersaarutit ingerlanneqartut naammassineqariarpata – imaluunniit naammassissappata – pissutsit taamaattut allanngoriartulernissaat ilimanarsivoq.
Attaveqaatit sukkanerusut, maannamullu angusinnaanngisatsinnik piginnaaneqartut sungiuttussanngussavagut – tassa ”killissarititaasut akimorsinnaalissavagut”.
Ataatsimeersuarnermut oqalugiartussat qaaqqusat assigiinngitsut ilaatigut siunissami niuernikkut periarfissat, siunissami tusagassiuteqarnermi pissutsit, telemedicin atorlugu ungasianiilli internet atorlugu atuartitsisarnermi periarfissat oqalugiaatigissavaat.
Saqqummiussuunneqartut pillugit allattorsimaffinni iliuusissatut siunnersuutigineqartut, aporfissatullu isigisat, allattorsimaffinni katersorneqassapput, Naalakkersuisunullu tunniunneqassallutik.
