Lars-Emil Johansen: Kalaallit ningaannarisutut pissusilersorfigisarpaat
- Tamarmik nunatsinnik nuannarinninnerujussuat malugineqarami, nunatsinniillu nuannarineqartut aamma malunnarpoq, Inatsisartut siulittaasuat oqarpoq.
Oqaatigaalu kalaallit Prins Henrimmut atassuteqarneranni kalaallit ileqqutoqaat malinneqartoq, tassalu asasap inuunermi ingiaqatissamisut toqqarsimasaata nuannaralugu pinissaa.
- Kalaallit ningaamaartuupput dronningimillu nuannarisaqartuullutik. Taava dronningip uia ningaannarisutut isigalugu inuit pissusilersorfigisarpaat.
AAMMA ATUARUK Prins Henrik appaliarsunngersuuvoq
Lars-Emil Johansen naapertorlugu Prins Henrik kalaallillu assigiissuteqarsimapput.
Prinsi qallunaatut innuttaassuseqaraluarluni qallunaajunngilaq.
Tamannalu Kalaallit Nunaata Prinsillu akornanni atassuteqalersitsisimasutut oqaatigineqarsinnaasoq, Lars-Emil Johansen isumaqarpoq.
Prins Henriup kalaalerpassuillu danskit oqaasiinik ilinniaqqusisoqarneranik ilungersuuteqarsimanerat, siulittaasup ilaatigut innersuussutigaa.
AAMMA ATUARUK Prins Henriup inuunera
Lars-Emil Johansen aamma isumaqarpoq ersoqatigiinneq taanna eqqumiitsuliornermik soqutigisaqarnermut tunngassuteqartoq:
- Eqqumiitsuliornermik soqutiginnittuugami taalliortarlunilu. Marrarmik ilusilersuisarlunilu qiperuisarpoq. Taamaammat nunatsinnut angalaarneq Prins Henrimmut assut anersaaninnarpoq, soorlu pinngortitarsuaq inuillu eqqumiitsuliortorpassuit anersaaninnarivai.
AAMMA ATUARUK Kim Kielsen misiginneqataalluni allagaqartoq