Kalaallit meerartaannik suliniuteqartoq millionit affaanik tapiiffigineqarpoq

Aningaasaateqarfik STARK Fonden kalaallit meerartaannut suliniuteqartumut millionit affaannik tunisipput.
Allattoq Karsten Sommer
apriilip 29-at 2015 11:16
Nutserisoq Andrea Christiansen

Peqatigiiffimmut Kalaallit meerartaanut aningaasaateqarfimmiit STARK Fondenimiit 500.000 koruunit suliniummut Sapiimmut tapersersuiniarlutik pajugutigissavaat, kalaallit meerartaat ilinniaqqinnissaannut nukittorsarniarlugit kajumissarniarlugillu.  

Nunatsinni STARK tallimanik piffinni assigiinngitsuni niuertarfiuteqarpoq, taamaammallu nunatsinnut immikkut soqutiginnillutik.

- STARK Fondenimiit suliniut Sapiik, kalaallit meerartaat ilinniartitaanerup iluaniiginnassasut tapersersinnaagatsigit immikkut nuannaarutigaarput, STARK Fondip siulersuisuisa siulittaasuat, Ole Mikael Jensen taama oqarpoq.

 

Aamma atuaruk Nuummi Ladies Circle Sisimiuni meeqqat illussaannut katersuiniartut

 

Ole Mikael Jensen STARK-ip pisortaa Søren P. Olesen peqatigalugu Nunatsinni niuertarfiit tallimaasut pulaarniarlugit, suliniullu Sapiik tapersersigartik misigisaqarfigiartorlugu una sapaatip akunnera Nunatsinnut aallassapput.

Siuliniutip inuusuttut ilinniarnermikkut ajornartorsiortut nukittorserniarpaat, meeqqat atuarfiiniit ilinniarnerup iluaniiginnarnissaannik  kajumissarniarlugit. Nunatsinni ilinniarfeqarfiit qaffasissusaata qaffaqqinnissaa anguniakkani siunertarineqarpoq.

- Ajunngitsumik tapersersuinermi uatsinnut aamma iluaqutissartaqarpoq. Kalaallit Nunaanni inuussutissarsiutitigut sulineq eqeersimaatuulluta, ilinniarfiit atorfinnut piukkunnateqalernissaanut tapersernissaanut soqutigaarput.

Peqatigiiffik Kalaallit Meerartaaniit tunissutigineqartut qiimmaallaatigilluarpaat.