Kulturi

Kalaallit Island Got Talentimi kakkagineqarput

<p>Thelma Kajsdóttir Lyberthip Island Got Talentimi ingerlaqqinneranit sapaatit akunneri marluk qaangiuttullu kalaaleq alla Islandimi unamminermi peqataavoq, tassalu Hans-Peter Bay Qaqortumiit.</p>

Hans-Peter Bay inden sin første optræden i Island Got Talent

Allattoq Camilla Dam, Tikaajaat Kristensen

februaarip 09-at 2015 11:19

- Kalaallitsut erinarsussaanga, atugassara ateqarpoq "Neriunneq", taannalu uannut isumaqartorujussuuvoq, Hans-Peter Bay Islandimi TV-qarfimmut Vísir-imut oqarpoq.

Tusarnaartut ersaattaattut Hans-Peter guitariitigaluni erinarsorpoq. Erinarsoreermallu tusarnaartut tamarmik nikuillutik ersaattaapput.

Naliliisartullu nangaarianngivillutik Hans-Peter ingerlateqqippaat, tamarmik ingerlaqqinnissaanut angermata, tamannalu tusarnaartunik nuannaartitseqaaq.

- Nuannaaqaanga, misigisaq nuanneqaaq, oqarpoq.

Aamma atuaruk Kalaaleq islandimiut piginnaanilinnik unammisitsillutik aliikkutassiaanni ingerlaqqittoq

Island Got Talentimut Hans-Peter Bay-ip ilaanera ajugaanissamuinnaq periarfissiinngilaq, aammali nipilersortartunik ingerlatsisunit takuneqarnissaanik tusaaneqarnissaanillu periarfissiivoq, immaqalu tusarnaartitsivinni anginerni appisimaarsinnaanissaanut periarfissiisinnaalluni.

Appisimaarnera Vísir.is-ikkut takusinnaavat.

- Neriuppunga nipilersortartunik ingerlatsisumit takuneqarnissara, ajugaanngikkaluarumaluunniit. Ullullu ilaanni Melodi Grand Prix-mut ilaanissara misigerusoqaara, Hans-Peter Bay oqarpoq.

Aamma atuaruk Thelmap saqqummerniarnissaminut imminut unamminini ajugaaffigaa