Kalaallit Danmarkimut Nordic Futsal Cupimi ajorsarput
Angutit kalaallit Futsalimi nunanut allanut unammisartui Nordic Futsal Cupimi unammiuaarnerni sisamassaa ullumi ajorsarput, kalaallimmi nunanut allanut unammisartui ataatsimik isertitsipput, Danmarkilu arfineq-marlunnik isertitsilluni.
Allattoq Mads Lynge
decembarip 07-at 2018 17:05
Kalaallit Nunaat Danmarkimut Nordic Futsal Cupimi ullumi unammimmata Kalaallit Nunaat 1-7-imik ajorsarpoq, unammiuaarnernilu sisamassaa ajorsarlutik.
AAMMA ATUARUK Grønland tabte knebent til Sverige
Nunanut allanut unammisartut Finlandimut, Norgemut Sverigemullu sapaatip-akunnerata massuma ingerlanerani unammipput. Unamminerni naligiiffiunerpaaq tassaavoq Sverigemut unammineq, kalaallit tassani 5-6-imik ajorsarmata.
Nordic Futsal Cupimi unamminerit kingulliit marluk aqagu arfininngornermi pisussatut pilersaarutigineqarput, Kalaallit Nunaalli tassani unammissanngilaq.
AAMMA ATUARUK Kalaallit Nunaat Norgemut ajorsarpoq
AAMMA ATUARUK Kalaallit Nordic Futsal Cupimi unamminermi siullermi ajorsarput
