Nordic Futsal Cup: Kalaallit nunanut allanut unammisartui ajorsaqqipput
Kalaallit angutit nunanut allanut unammisartut Sverigemut naligiiffioqisumik unamminerminni 6-5-imik ullumi ajorsarput.
Kalaallit unamminermi siullerni marlunni ajorsarput, naalli ajorsaraluarlutik ullumikkut pingajussaani unamminerminni, arsarneq naligiiffiuneruvoq ullunut siuliinut sanilliullugu.
AAMMA ATUARUK Kalaallit Nunaat Norgemut ajorsarpoq
Kalaallit unamminerup nalaani isertitsisui tassaapput:
Rene Eriksen, Nick Reimer, Niklas Thorleifsen kiisalu Frederik Funch. Svenskit nammineq ajuuffigisamut ataatsimik aamma isertitsisoorput.
Kalaallit Danmarkimut aqagu tallimanngornermi unammissapput, unammineq nunatta nalunaaqutaa naapertorlugu ualikkut nalunaaqutaq pingasunut aallartissalluni.
AAMMA ATUARUK Kalaallit Nordic Futsal Cupimi unamminermi siullermi ajorsarput
Unammineq KNR2-TV-kkut toqqaannartumik isiginnaarneqarsinnaassaaq.
Assit Nordic Futsal Cup 2018-imeersut, Kalaallit Arsaattartut Kattuffiata, KAK-p, Facebookikkut quppernerani takusinnaavatit. Assit uku Kalaallit Nunaata Norgemut unammineraneersuupput:
