Kalaallit Nordic Futsal Cupimi unamminermi siullermi ajorsarput
Kalaallit Nunaat nunatta nalunaaqutaa naapertorlugu ualeq manna nalunaaqutaq ataatsimut aallartittumik unammipput.
Katillugit 40 minutsini unammisoqareersorlu Finland tassa arfinilinnik isertitaqarluni ajugaavoq, kalaallit ataatsimik isertitaqartut.
AAMMA ATUARUK Nunanut allanut unammisartut Nordic Futsal Cup 2018-imut piareertut
Nunani Avannarlerni nunat arfinillit Kalaallit Nunaallu, Nordic Futsal Cup 2018-imi peqataapput, Jyllandip kippasissuani Skjernimi unammiuaartoqarluni.
Kalaallit futsalimi nunanut allanut unammisartui suli periarfissaqarluarput. Norgemummi aqagu pingasunngornermi unammisapput, Sverigemut sisamanngorpat unammissallutik, Danmarkimullu tallimanngorpat unammissallutik.
Unamminerit KNR TV-kkut toqqaannartumik isiginnaarneqarsinnaassapput, nittartakkatsinnilu KNR.gl-imi aamma malinnaavigineqarsinnaassallutik.
Unamminissat allattorsimaffii uani takukkit: