Nordic Futsal Cup Kalaallit Nunaat Norgemut ajorsarpoq
Illup iluani isikkamik arsaalluni Nunani Avannarlerni unammiuaarnerit Nordic Futsal Cup 2018-imi unamminerit nangillugit kalaallit nunanut allanut unammisartui Norgemut ullumi unammipput.
Allattoq Mads Lynge
Kalaallit Skjern Bank Arenami unamminermi tamatumuuna 5-2-mik ajorsarput.
Kalaallit isertitaasa aappaat nammineq ajuuffimmut målertoorneruvoq, aappaalu Markus Jensenimit unamminerup naamassiartulernerani isertinneqarluni.
Kalaallit nunanut allanut unammisartui unammiuaarnerni aappassaa taamaasillutik ajorsarput, unamminermi siullermi 6-1-imik Finlandimut ajorsaramik.
Kalaallit tulliani aqagu nunatta nalunaaqutaa naapertorlugu ualikkut ataatsimut unammeqqissapput, Sverige tamatuuna unammineqassalluni. Kalaallit Sverigemut unamminerat KNR2-TV-kkut toqqaannartumik isiginnaarneqarsinnaassaaq.