Kalaallit atisaliortartut nunanut allanut nittarsaassilluartut

Atisanik saqqummersitsineq, Copenhagen International Fashion Fairimik taaguutilik, Københavnimi pingasunngormat aallartippoq. Tassani kalaallit sisamat atisaliaminnik saqqummersitsillutik ilaapput.

Allattoq Paarnaq Hansen

aggustip 07-at 2015 04:26

Københavnimi ingerlanneqartoq, Fashion Fair, atisaliortartunut atisaliaminnik nunanit allaneersunut nittarsaasserusuttunut periarfissatsialaavoq.

- Kalaallit ilusilersuisartut Copenhagen Fashion weekimi ilaajuannaarneranut ukiut tamaasa pisinianik nutaanik naapitsiuaannarnerat pissutaavoq, Rosannguaq Rossen oqarpoq.

Taanna Nuummi Ilisimatusarfimmi nunatta atisaliornerup tungaatigut avammut nittarsaanneqartarnera pillugu immikkut allaaserinnippoq.

Aamma atuaruk Nuuk Couture Copenhagen Fashion Weekimut peqataarngaartoq

Nunatsinni atisaliortartut sisamat, tassaasut Isaksen Design, Nuuk Couture, Bibi Chemnitz aamma Nunatta Ammerivia, atisaliaminnik kalaalerpaluttunik saqqummiussipput.

Soqutiginninneq annertusiartortoq

Atisaliortartup tusaamaneqarluartup, Bibi Chemnitzip, pisisartut nutaat takkussuuttalersut oqaatigaa.

- Nunani tamalaaneersuupput. Kalaallit Nunaanniit pisisartutta aalajangersimasut saniatigut Norgemiit, Schweizimiit Italiamiillu takkussuupput, Bibi Chemnitz oqarpoq.