Politikki

IKIORTARIALLIT Kalaallit arnat pillugit ataatsimeersuarneq soqutigineqarluartoq

"Danmarkimi kalaallit arnat inooqataaniarnikkut ajornartorsiortut" qutequtaralugu Christiansborgimi Fællessalimi ippassaq ataatsimeersuartoqarpoq.
Susassaqarfimmi suliaqartut assigiinngitsut kalaallinik arnanik sulissinerminni misilittakkatik ilisimasatillu tunngavigalugit misissuineq oqaaseqarfigaat. Assi © : KNR/Simon Uldum
Ataatsimeersuarneq soqutigineqarluarpoq. Assi © : KNR/Simon Uldum
Inooqataaniarnikkut ajornartorsiortut pillugit Siunnersuisooqatigiinni isumaginninnermi politikkikkut siunnersorti Helene Forsberg Madsen siulittaasorlu Jann Sjursen. Assi © : KNR/Simon Uldum
Ataatsimeersuartut eqimattakkuutaartinneqarlutik periusissiassamut pingaarnersiukkanik pingasunik oqallitsinneqarput. Assi © : KNR/Simon Uldum
Ataatsimeersuartut eqimattakkuutaartinneqarlutik periusissiassamut pingaarnersiukkanik pingasunik oqallitsinneqarput. Assi © : KNR/Simon Uldum
Kalaallit illutaanni pisortat tamarmik aamma ataatsimeersuaqataapput, aajuna Aalborgimi kalaallit illuutaanni pisortaq Søren Stach, Jann Sjursenip saniani. Assi © : KNR/Simon Uldum
Kalaallinut suliniutini ukiorpassuarni suleqataasimasut ilaat aamma peqataapput. Assi © : KNR/Simon Uldum
Assi © : KNR/Simon Uldum
Allattoq Simon Uldum -, Helle Nørrelund Sørensen
marsip 15-at 2016 07:37

Danmarkimi inooqataaniarnikkut ajornartorsiortut pillugit siunnersuisoqatigiit kalaallit arnat inuuniarniarnikkut atugarisaannik nalunaarusiaa nutaaq paasisaqarfigiumallugu politikerit, isumaginninnermi suliaqartut, ilisimasartut soqutiginnittullu allat 150-it ataatsimeersuarnermi peqataapput.

Nalunaarusiaq kalaallit arnat Danmarkimi najugaqartut 22-t isumaginninnermilu suliaqartut kalaallinik arnanik ulluinnarni sullissisuusut apersorneqarnerinik toqqammaveqarpoq.

AAMMA ATUARUK Siulittaasoq: Atornerlugaasimanerminnik kingunerlutsitsisut danskinit ikiorneqartariaqarput

Ippassaq ataatsimeersuarnermi peqataasut eqimattakkuutaartillugit periusissiami nutaami arnat atugarisaasa pitsanngorsarneqarnissaannut suliniutissanik pingasunik pingaanersiuisillugit suliakkerneqarput. Siunnersuutaallu Folketingip Kalaallit Nunaannut tunngasunut ataatsimiititaliaani aamma Isumaginninnermut Nunamilu namminermi pissutsinut ataatsimiititaliaani ilaasortat sisamat kingorna isummerfigaat.

Nunatsinniillu Inuit Ataqatigiinneersoq Aaja Chemnitz Larsen ima oqarpoq:

- Folketingimut ilaasortatut Kalaallit Nunaanneersutut pingaaruteqarpoq oqaatigissallugu, uagut aningaasanut inatsisissaq, satspulje aamma naaperiuteqarluni isumaqatigiinniarnerni tamatigut peqataatinneqarneq-ajoratta. Taamaammat taamatut ileqqoqartoqarnera atorunnaarsissallugu ilungersuutigaarput. Kalaallimmi Danmarkimiittut sinnerlugit politikkikkut angusaqarniassagutta tusaaniarneqarnissarput pingaartuuvoq.

Ataatsimeersuarnermi peqataasut suliniutissatut siunnersuutigisaasa ilaat ingerlateqqillugit Aaja Chemnitz Larsenip sulissutiginiarnerarpai.

Aamma atuaruk Nalunaarusiaq: Kinguaassiutitigut atornerlugaareersimanertik erloqissutigisaraat

Aamma atuaruk Kalaallit arnat Danmarkimiittut ajornartorsiutaat ataatsimiissutigileraat

Aamma atuaruk

Politikki

Inatsisartuni oqallittoqangaatsiareersorlu naalakkersuisut aniguisut

Politikki

Naalakkersuisut: Aalisarnermut inatsisissaq inuiaqatigiinnut piujuartitsinissamullu qulakkeerinnissaaq

Inatsisartut aalisarnermut inatsisissaq pikkunartumik oqallisigigaat