Silap allanngorneriartornera issittumi uumasunut kinguneqarnerlussinnaasoq
Silap kissakkiartornera nunarsuarmilu immat qaffakkiartornerisa kingunerisaanik uummaasut soorlu nannut, aarrit, tuttut, pingvinillu aarlerinartorsiortinneqarput.
Naalagaaffiit Peqatigiinni Pinngortitaq pillugu nunarsuaq tamakkerlugu suliniaqatigiiffiup nalunaarusiaani tamanna saqqummiunneqarpoq.
AAMMA ATUARUK Nunarsuup avannaani kujataanilu sermersuit aakkiliartupiloornerusut
- Nalunaarusiaq uumasut siunissaannut pitsaavallaangitsumik takussutissiivoq, pingaartumik issittumi uumasunut - tamaanimi sikuerukkiartorpoq, Danmarkimi pinngortitaq pillugu nunarsuaq tamakkerlugu suliniaqatigiiffiup generalsekretæria, Bo Øksnebjerg oqarpoq.
- Issittumi uumasut tamangajammik sikumut attuumassuteqartuupput, aasakkullu sikuerukkaangat uumasut neriniarfissiorlutik allamukartariaqarput.
AAMMA ATUARUK Rasende Thunberg i FN: I har stjålet min barndom
Tamatumalu malitsigisaanik nannut, aarrit, tuttut pinvinginillu ikiliartulissapput, Danmarkimi pinngortitaq pillugu nunarsuaq tamakkerlugu suliniaqatigiiffiup generalsekretæria oqarpoq.