Tusagassiortut sunniuteqarsimasut Time Magazinemit ataqqinaaserneqartut

Tusagassiortut parnaarussaasimanngikkunik toqutaasimasut ukioq manna nersorniarneqarput.

Taakku ilagaat tusagassiortoq Jamal Khashoggi Istanbulimi sinniisoqarfimmi qanittukkut toqutaasoq. Taanna Amerikamiut aviisiisa ilaanni Washington Postimi allaaserinnittartuuvoq.

AAMMA ATUARUK Tusagassiortumik toqutsineq Saudi-Arabiamik suleqateqarmut sunniuteqassanngilaq

Timesip tusagassiortut taakkua nersorniaramigit "ilumoortoq pillugu sorsunnermi" nakkutiginnittutut taavaat.

Siorna nersornaaserneqartut tassaapput MeToo-mik taallugu pinerlineqarsimanermik nalunaarutiginnittut.

AAMMA ATUARUK Ilisimatooq nakuusertarnermut iliuuseqaqqusivoq

Time Magazine 1927-miilli ukiut tamaasa inummik pingaarutilittut siunniuteqarsimasumik nersuiniartarpoq. Taamani nersorneqaqqaarpoq timmisartortartoq Charles Lindberg. Taanna siullersaalluni kisimiilluni Atlantikoq qulaallugu timmisartoqqaarpoq.