Columbia University ilinniartuutiminik Israelip Gazami sorsunnermut akerliusunik ilinniartuujunnaarallartitsisoq
Israelip Gazami sorsunnera akerliuffiginiarlugu akerliussutsimik takutitsisut ilaannik atorunnaarsitsiniarluni, New Yorkimi ilisimatusarfiit ilaata ataqqinnaataasup Columbia Universityp aalajangerpaa.
Akerliussutsimik takutitsisut ilisimatusarfiup pigisaata ilaani imminut mattussimapput. Columbia Universityp rektoriata aqutseqataasalu ilinniartullu akornanni oqaloqatigiinnerit kipitiinnarneqareersullu taama pisoqarpoq.
Akerliussutsimik takutitsisut Israelip Gazamut sorsunneranut akerliunertik takutinniarsaraat, ilisimatusarfimmilu ilinniartut ilaasa ilisimatusarfiup ilaani mattusimallutik.
Ilinniartut qasserpiaat pineqarnersut ilisimaneqanngilaq.
Columbia Universityp aqutsisuisa ilinniartullu akornanni ulluni arlalinni isumaqatigiinniartoqareeraluartoq isumaqatigiittoqarsinnaasimanngitsoq, ilisimatusarfiup rektoriata Nemat Minouche Shafikip oqaatigaa.