Theresa May piffissaq kingulleq atorlugu Brexitimut ilassuteqartoq
Premierministerip Theresa Mayip EU-Kommissionimi siulittaasoq, Jean-Claude Juncker ipppasaq ataatsimeeqatigaa.
Irland Nordirlandillu akornanni killeqarfimmi 2020-imit unamminarsinnaasut pillugit aaqqiissutissanik isumaqatigiittoqarpoq.
AAMMA ATUARUK Mayip EU-mut ilaasortaajunnaarnissaq pillugu isumaqatigiissusiaa itigartitsissutigineqarpoq
EU-mit aninissaq pillugu isumaqatigiissut allanngortinneqanngilaq, inatsisitigoortumilli ersarissaasoqarluni.
Tuluit Inatsisartui ullummikkut taasisussaapput. Siullermimmi taasisoqarmat itigartitsissutigineqarpoq, taamaattumik EU-mit aninissaq pillugu Mayip nassueruteqarnissaa naatsorsuutigineqarpoq.
Tuluit Nunaata EU-mit aninissaa marsip 29-ani pilersaarutaavoq.